ஜப்பானில் நடைபெற்ற 20-வது ஆசிய விளையாட்டுப் போட்டிகளில் பங்கேற்று பதக்கங்கள் வென்ற தமிழகத்தைச் சேர்ந்த 12 விளையாட்டு வீரர்களுக்கு, மொத்தம் 6. 9 கோடி ரூபாய் ஊக்கத்தொகையாக வழங்கப்படும் என்று தமிழக அரசு அறிவித்துள்ளது. ஜப்பானில் நடைபெற்ற இந்தப் போட்டிகளில், தமிழகத்திலிருந்து 37 விளையாட்டு வீரர்கள் 11 வெவ்வேறு பிரிவுகளில் இந்தியாவைப் பிரதிநிதித்துவப்படுத்தினர்.
இதில், வெள்ளிக்கிழமை நிலவரப்படி 12 வீரர்கள் மொத்தம் 18 பதக்கங்களை (2 தங்கம், 3 வெள்ளி, 13 வெண்கலம்) வென்றுள்ளனர். பதக்கம் வென்ற சில வீரர்கள் வியாழக்கிழமை இரவு சென்னை திரும்பினர். அவர்களை சென்னை சர்வதேச விமான நிலையத்தில் நிதி அமைச்சர் என்.
மேரி வில்சன் மற்றும் உயர் அதிகாரிகள் வரவேற்றனர். அதனைத் தொடர்ந்து, வெள்ளிக்கிழமை சென்னை நேரு உள்விளையாட்டு அரங்கில் நடைபெற்ற நிகழ்ச்சியில், விளையாட்டு மேம்பாட்டுத் துறை அமைச்சர் ஆதவ் அர்ஜுனா பதக்கம் வென்ற வீரர்களை நேரில் சந்தித்து வாழ்த்துகளைத் தெரிவித்தார். இந்த ஊக்கத்தொகைத் திட்டத்தில் வித்யா ராமராஜ் (தடகளம்), பரணிகா இளங்கோவன் (தடகளம்), அபினயா ராஜராஜன் (தடகளம்), விஷால் தென்னரசு கயல்விழி (தடகளம்), காமலினி (கிரிக்கெட்) மற்றும் ஹரிஹரன் (பேட்மிண்டன்) உள்ளிட்டோர் அடங்குவர்.
இதில் தடகள வீராங்கனை வித்யா ராமராஜ், தங்கம், வெள்ளி மற்றும் வெண்கலம் என மூன்று பதக்கங்களை வென்று, ஆசிய விளையாட்டுப் போட்டிகளில் இத்தகைய சாதனையைப் படைத்த முதல் தமிழக வீரர் என்ற பெருமையைப் பெற்றுள்ளார். மேலும், பெண்களுக்கான 400 மீட்டர் தடை ஓட்டப் பந்தயத்தில் 54. 75 வினாடிகளில் இலக்கை எட்டி, பி.
டி. உஷாவின் 42 ஆண்டுகால தேசிய சாதனையை அவர் முறியடித்துள்ளார். இவருக்கு மூன்று பதக்கங்களுக்காக மொத்தம் 1.
55 கோடி ரூபாய் ஊக்கத்தொகை வழங்கப்பட உள்ளது. அதேபோல், பெண்களுக்கான போல் வால்ட் (Pole Vault) பிரிவில் வெண்கலம் வென்ற பரணிகா இளங்கோவன், இந்தப் பிரிவில் ஆசிய விளையாட்டுப் போட்டியில் பதக்கம் வென்ற முதல் இந்திய வீராங்கனை என்ற வரலாற்றுச் சாதனையைப் படைத்துள்ளார். கிரிக்கெட் போட்டியில் தங்கம் வென்ற காமலினிக்கு 75 லட்சம் ரூபாய் ஊக்கத்தொகை வழங்கப்பட உள்ளது.
கலப்பு 4x400 மீட்டர் தொடர் ஓட்டத்தில் வெள்ளிப் பதக்கமும், ஆண்களுக்கான 4x400 மீட்டர் தொடர் ஓட்டத்தில் வெண்கலப் பதக்கமும் வென்ற விஷாலுக்கு 80 லட்சம் ரூபாய் வழங்கப்பட உள்ளது. ஸ்குவாஷ் ஒற்றையர் பிரிவில் வெள்ளிப் பதக்கமும், ஆடவர் குழுப் பிரிவில் வெண்கலப் பதக்கமும் வென்ற அபய் சிங்கிற்கு 80 லட்சம் ரூபாய் ஊக்கத்தொகை வழங்கப்பட உள்ளது.
ஜோஷ்னா சின்னப்பா மற்றும் வேலவன் செந்தில்குமார் ஆகியோருக்கு தலா 60 லட்சம் ரூபாய் வழங்கப்பட உள்ளது. வெண்கலப் பதக்கம் வென்ற பிற வீரர்களுக்கு தலா 30 லட்சம் ரூபாய் ஊக்கத்தொகை வழங்கப்படும். இதற்கிடையில், வெள்ளிக்கிழமை நடைபெற்ற பாய்மரப் படகுப் போட்டியில் (Sailing Dinghy) நேத்ரா குமணன் வெண்கலப் பதக்கம் வென்றுள்ளார்.
