மேற்கிந்தியத் தீவுகளுக்கு எதிரான டி20 போட்டியில், இந்திய அணி நிர்ணயிக்கப்பட்ட 20 ஓவர்களில் அனைத்து விக்கெட்டுகளையும் இழந்து 223 ரன்கள் எடுத்தது. தொடக்க ஆட்டக்காரர் அபிஷேக் சர்மா அதிரடியாக விளையாடி 30 பந்துகளில் 69 ரன்கள் குவித்தார். இதில் 6 பவுண்டரிகளும், 5 சிக்ஸர்களும் அடங்கும். இந்த இன்னிங்ஸின் மூலம், டி20 சர்வதேச போட்டிகளில் அதிவேகமாக 2,000 ரன்களைக் கடந்த வீரர் என்ற சாதனையை அவர் படைத்தார். இவருக்கு உறுதுணையாக இஷான் கிஷன் 18 பந்துகளில் 37 ரன்கள் சேர்த்தார்.
சிறப்பான தொடக்கத்தைப் பெற்ற போதிலும், இந்திய அணி ஆட்டத்தின் பிற்பகுதியில் சீரான இடைவெளியில் விக்கெட்டுகளை இழந்தது. கடைசி கட்டத்தில் பிரின்ஸ் யாதவ் 6 பந்துகளில் ஆட்டமிழக்காமல் 13 ரன்கள் எடுத்ததால், இந்திய அணி 223 ரன்களை எட்டியது. மேற்கிந்தியத் தீவுகள் தரப்பில் ரோஸ்டன் சேஸ், ஷமார் ஜோசப் மற்றும் ஷமார் ஸ்பிரிங்கர் ஆகியோர் தலா 2 விக்கெட்டுகளைக் கைப்பற்றி இந்திய அணியின் ரன் வேகத்தைக் கட்டுப்படுத்தினர்.
