தங்கம் விலை உயர்வு: இன்றைய நிலவரம்

சர்வதேச பொருளாதார நிலவரங்களுக்கு ஏற்ப தங்கம் விலை ஏற்ற இறக்கங்களை சந்தித்து வருகிறது. கடந்த 10 மற்றும் 11 ஆம் தேதிகளில் விலை உயர்ந்த நிலையில், அதைத் தொடர்ந்து சில நாட்களாக தங்கம் விலை குறைந்து வந்தது. நேற்று, தங்கம் விலை சவரனுக்கு ரூ.3,040 மற்றும் கிராமுக்கு ரூ.380 அதிரடியாக குறைந்தது. ஒரு சவரன் ரூ.1,08,560க்கும், ஒரு கிராம் ரூ.13,570க்கும் விற்பனை செய்யப்பட்டது. இந்த நிலையில், இன்று தங்கம் விலை சற்று உயர்ந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.30 உயர்ந்து, ஒரு கிராம் ரூ.13,600க்கு விற்பனையாகிறது. சவரனுக்கு ரூ.240 உயர்ந்து, ஒரு சவரன் ரூ.1,08,800க்கு விற்கப்படுகிறது. வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி ரூ.255க்கும், பார் வெள்ளி ரூ.2,55,000க்கும் விற்பனை செய்யப்படுகிறது.