வயதாவதை தடுக்கும் தடுப்பூசி !

ரஷ்யா உலகின் முதல் வயது-எதிர்ப்பு தடுப்பூசியை உருவாக்கி வருவதாக அந்நாட்டின் அறிவியல் துறை அறிவித்துள்ளது. இந்த சிகிச்சையானது செல்களில் வயதான செயல்முறையை தூண்டும் RAGE என்ற மரபணு ஏற்பியை (receptor) தடுப்பதன் மூலம் செயல்படும். ரஷ்யாவின் அறிவியல் மற்றும் உயர்கல்வி துணை அமைச்சர் டெனிஸ் செக்கிரின்ஸ்கி, வோல்கா நகரமான சரான்ஸ்க்கில் நடைபெற்ற ஆரோக்கிய நீண்ட ஆயுள் மாநாட்டில் இந்த தகவலை வெளியிட்டார். RAGE என்பது Receptor for Advanced Glycation Endproducts என்பதன் சுருக்கமாகும். இந்த மரபணு ஏற்பி செயல்படும்போது செல்களில் வயதான செயல்முறை தொடங்குகிறது. இதை மரபணு சிகிச்சை மூலம் தடுப்பதால், செல்கள் நீண்ட காலம் இளமையாக இருக்கும் என்று ஆராய்ச்சியாளர்கள் கூறுகின்றனர்.