ரஷ்யாவில் உள்ள மின்னணு பொருட்கள் விற்பனை அங்காடி ஒன்றில், வாடிக்கையாளர் ஒருவரை ஹியூமனாய்டு ரோபோ உதைப்பது போன்ற வீடியோ சமூக வலைதளங்களில் வைரலாகி வருகிறது. அந்த வாடிக்கையாளர் ரோபோவை தள்ளிய சில நொடிகளில், ரோபோ தனது காலை உயர்த்தி அவரை உதைக்கும் வகையில் செயல்படும் காட்சிகள் அந்த வீடியோவில் பதிவாகியுள்ளன. கட்டுப்பாட்டு கோளாறு காரணமாக அந்த ரோபோ தொடர்ந்து இயங்கிக்கொண்டிருந்த நிலையில், ஊழியர்கள் உடனடியாக அதை அணைத்தனர்.
இந்தச் சம்பவம் அறிவியல் புனைவுத் திரைப்படங்களை நினைவுபடுத்துவதாக இணையவாசிகள் கருத்து தெரிவித்து வருகின்றனர். அதேசமயம், இந்த வீடியோ உண்மையானதா அல்லது ரோபோ தொலைதூரத்தில் இருந்து இயக்கப்படுகிறதா என்ற சந்தேகத்தையும் சிலர் எழுப்பியுள்ளனர். சமூக வலைதளங்களில் பரவி வரும் இந்தத் தகவல்கள் மற்றும் காட்சிகள் இதுவரை சுயாதீனமாக உறுதிப்படுத்தப்படவில்லை.
