நியூயார்க்கில் நடைபெற்று வரும் அமெரிக்க ஓபன் கிராண்ட்ஸ்லாம் டென்னிஸ் போட்டியின் ஆடவர் ஒற்றையர் இறுதிச் சுற்றில் ஜெர்மனியின் அலெக்சாண்டர் ஜிவேரேவும், அமெரிக்காவின் பென் ஷெல்டனும் மோதுகின்றனர். அரை இறுதிப் போட்டிகளில் முறையே கரன் கச்சநோவ் மற்றும் பிரான்சஸ் டியாபோவை வீழ்த்தி இவர்கள் இறுதிச் சுற்றுக்கு முன்னேறியுள்ளனர்.
தரவரிசையில் முதலிடத்தில் உள்ள ஜிவேரேவ், 2020-ம் ஆண்டுக்குப் பிறகு மீண்டும் அமெரிக்க ஓபன் இறுதிப் போட்டிக்குத் தகுதி பெற்றுள்ளார். பிரெஞ்சு ஓபன் பட்டத்தை வென்றுள்ள அவர், தனது இரண்டாவது கிராண்ட்ஸ்லாம் பட்டத்தை வெல்லும் முனைப்பில் உள்ளார்.
மறுபுறம், 2003-ம் ஆண்டு ஆன்டி ராடிக்குக்குப் பிறகு அமெரிக்க ஓபன் பட்டத்தை வெல்லும் அமெரிக்க வீரர் என்ற பெருமையை பெற பென் ஷெல்டன் போராடுவார். இதனிடையே, ஜூனியர் மகளிர் இரட்டையர் பிரிவின் அரை இறுதிப் போட்டியில் இந்தியாவின் மாயா ராஜேஷ்வரன் ரேவதி மற்றும் உக்ரைனின் அன்டோனியா சுஷ்கோவா ஜோடி தோல்வியடைந்து வெளியேறியது.
