திருப்பரங்குன்றம் தீபத் தூணில் தீபம் ஏற்ற அனுமதி அளித்த உச்ச நீதிமன்றத் தீர்ப்பை எதிர்த்து தமிழக அரசு சீராய்வு மனு தாக்கல் செய்துள்ளதை இந்து முன்னணி கடுமையாக விமர்சித்துள்ளது. இந்த நடவடிக்கையின் மூலம் முதல்வர் விஜய் இந்து விரோத எண்ணத்துடன் செயல்படுவதாக அந்த அமைப்பின் மாநில தலைவர் காடேஸ்வரா சி. சுப்பிரமணியம் குற்றம் சாட்டியுள்ளார்.
தேர்தல் பிரச்சாரத்தின் போது அளித்த வாக்குறுதிக்கு மாறாக, உச்ச நீதிமன்றத் தீர்ப்பை எதிர்த்து அரசு செயல்படுவது முருக பக்தர்களுக்கு இழைக்கும் துரோகம் என அவர் தனது அறிக்கையில் குறிப்பிட்டுள்ளார். மேலும், காவிரி நீர் விவகாரத்தில் மெத்தனமாகச் செயல்படும் அரசு, இந்துக்களின் உரிமைகளைத் தடுப்பதில் மட்டும் முனைப்பு காட்டுவதாக அவர் சாடியுள்ளார்.
இந்த விவகாரத்தில் சட்ட ரீதியாகவும் ஜனநாயக ரீதியாகவும் போராட்டம் நடத்தப்படும் என இந்து முன்னணி அறிவித்துள்ளது. தமிழகம் மற்றும் உலகம் முழுவதும் உள்ள முருக பக்தர்கள் இந்த உரிமையை மீட்டெடுக்க ஒன்றிணைய வேண்டும் என்றும் அந்த அமைப்பு அறைகூவல் விடுத்துள்ளது.






