பிரசாந்த் கிஷோரின் ஜன் சுராஜ் கட்சி வெற்றி

பீகாரின் பாங்கிபூர் இடைத்தேர்தலில் தேர்தல் வியூக நிபுணர் பிரசாந்த் கிஷோரின் ஜன் சுராஜ் கட்சி வெற்றி பெற்றுள்ளது. பாஜக வேட்பாளர் நீரஜ் குமாரை விட 19,000-க்கும் அதிகமான வாக்குகள் வித்தியாசத்தில் பிரசாந்த் கிஷோர் வெற்றி பெற்றுள்ளார். கடந்த இருபது ஆண்டுகளாக பாஜக வசம் இருந்த இந்தத் தொகுதியை இழந்துள்ளமை, அக்கட்சிக்கு பெரும் பின்னடைவாகக் கருதப்படுகிறது. புதிய தலைமைத்துவத்தின் கீழ் போட்டியிட்ட பாஜகவுக்கு இது முதல் முக்கியத் தோல்வியாகும். கடந்த நவம்பர் 2025 சட்டமன்றத் தேர்தலை விட, பாஜகவின் வாக்கு எண்ணிக்கை 54,000-க்கும் மேல் சரிந்துள்ளது. கடைசி நேரத்தில் வேட்பாளரை மாற்றியது மற்றும் பிரச்சாரத்தில் ஏற்பட்ட தொய்வு ஆகியவை பாஜகவின் தோல்விக்குக் காரணமாகக் கூறப்படுகிறது. மேலும், ஐக்கிய ஜனதா தளத் தலைவர் நிதிஷ் குமார் பிரச்சாரத்தில் பங்கேற்காததும், புதிய அரசியல் மாற்றத்தை வாக்காளர்கள் விரும்பியதும் இந்தத் தேர்தல் முடிவுகளில் எதிரொலித்துள்ளன. இந்தத் தேர்தலில் ராஷ்ட்ரிய ஜனதா தளம் மூன்றாவது இடத்திற்குத் தள்ளப்பட்டது. எட்டு மாதங்களுக்குள் பாஜகவின் வாக்கு வங்கி 28 சதவீதம் சரிந்திருப்பது, பீகார் அரசியலில் ஏற்பட்டுள்ள முக்கிய மாற்றத்தைக் காட்டுவதாக அரசியல் நோக்கர்கள் குறிப்பிடுகின்றனர்.