மத்திய அரசு ஊழியர் வருங்கால வைப்பு நிதி நிறுவனத்தில் (EPFO) காலியாக உள்ள 80 உதவி வருங்கால வைப்பு நிதி ஆணையர் (APFC) பணியிடங்களை நிரப்புவதற்கான அறிவிப்பை மத்திய அரசுப் பணியாளர் தேர்வாணையம் (UPSC) வெளியிட்டுள்ளது. இப்பணிக்குத் தேர்வாகும் நபர்களுக்கு மாதம் ரூ. 56,100 முதல் ரூ. 1,77,500 வரை ஊதியம் வழங்கப்படும்.
அங்கீகரிக்கப்பட்ட கல்வி நிறுவனத்தில் ஏதேனும் ஒரு பாடப்பிரிவில் பட்டம் பெற்றவர்கள் இப்பணிக்கு விண்ணப்பிக்கலாம். நிறுவனச் சட்டம், தொழிலாளர் சட்டங்கள் அல்லது பொது நிர்வாகத்தில் டிப்ளமோ முடித்தவர்களுக்கு முன்னுரிமை அளிக்கப்படும். விண்ணப்பதாரர்கள் 11.09.2026 அன்று 35 வயதுக்குள் இருக்க வேண்டும். எஸ்சி, எஸ்டி, ஓபிசி மற்றும் மாற்றுத்திறனாளிகளுக்கு அரசு விதிகளின்படி வயது வரம்பில் தளர்வு உண்டு.
தகுதியுள்ள விண்ணப்பதாரர்கள் www.upsc.gov.in என்ற இணையதள முகவரியில் ஆன்லைன் மூலம் விண்ணப்பிக்க வேண்டும். விண்ணப்பக் கட்டணமாக ரூ. 25 செலுத்த வேண்டும்; எஸ்சி, எஸ்டி மற்றும் மாற்றுத்திறனாளிகளுக்குக் கட்டணம் ஏதுமில்லை. எழுத்துத் தேர்வு மற்றும் நேர்காணல் அடிப்படையில் தகுதியானவர்கள் தேர்ந்தெடுக்கப்படுவார்கள். விண்ணப்பிப்பதற்கான கடைசி நாள் 11.09.2026 ஆகும்.
