தமிழகத்தில் தொழில் திட்டங்களுக்கு 21 நாட்களில் அனுமதி: புதிய மசோதா தாக்கல்

தமிழகத்தில் தொழில் திட்டங்களுக்கு 21 நாட்களுக்குள் ஒற்றைச் சாளர முறையில் அனுமதி வழங்கும் வகையில், சட்டத் திருத்த மசோதாவை அரசு சட்டப்பேரவையில் தாக்கல் செய்துள்ளது. இந்த மசோதாவை அமைச்சர் கீர்த்தனா பேரவையில் முன்வைத்தார்.

இதன்படி, ரூ.200 கோடிக்கு மேல் முதலீடு செய்யும் நிறுவனங்களுக்குத் தேவையான அனுமதிகளை விரைந்து வழங்க, தமிழ்நாடு முதலீட்டு ஊக்குவிப்பு ஆணையம் பொறுப்பேற்கும். மாநிலத்திலுள்ள பெரிய அளவிலான தொழில் திட்டங்களுக்கான ஒழுங்குமுறை நடைமுறைகளை எளிதாக்குவதே இந்தத் திட்டத்தின் முக்கிய நோக்கமாகும்.