தருமபுரியில் உள்ள அரசு கல்லூரி மாணவர் விடுதிகளை சமூக நீதித்துறை அமைச்சர் வன்னியரசு நேரில் ஆய்வு செய்தார். அப்போது செய்தியாளர்களிடம் பேசிய அவர், மாணவ, மாணவியரின் கல்வி மற்றும் சுகாதார வசதிகளை மேம்படுத்துவதில் தமிழக அரசு மிகுந்த கவனம் செலுத்தி வருவதாகத் தெரிவித்தார். மேலும், விடுதி மாணவர்களுக்கான உணவு மற்றும் பராமரிப்புத் தொகை உயர்த்தப்பட்டுள்ளதையும் அவர் சுட்டிக்காட்டினார்.
பட்டினப்பாக்கத்தில் ரூ.1,200 கோடி செலவில் புதிய தலைமைச் செயலகம் கட்டப்படும் என்ற முதல்வர் விஜய்யின் அறிவிப்பு குறித்து அமைச்சர் கருத்து தெரிவித்தார். இந்தத் திட்டத்தால் மீனவர்களின் வாழ்வாதாரம் பாதிக்கப்படும் என்ற அச்சம் எழுந்துள்ள நிலையில், அவர்களின் கோரிக்கைகளை அரசு கவனமுடன் பரிசீலிக்க வேண்டும் என அவர் வலியுறுத்தினார்.
இந்த விவகாரத்தில் மீனவர்களின் நலனைக் கருத்தில் கொண்டு முதல்வர் உரிய முடிவுகளை மேற்கொள்வார் என்றும் அமைச்சர் வன்னியரசு குறிப்பிட்டார். இந்த ஆய்வின்போது தருமபுரி மாவட்ட ஆட்சியர் சரவணன் மற்றும் மாவட்ட வருவாய் அலுவலர் ஆர்.கவிதா உள்ளிட்ட அதிகாரிகள் உடனிருந்தனர்.
