விநாயகர் சதுர்த்தி பண்டிகையை முன்னிட்டு, கிளாம்பாக்கம் கலைஞர் நூற்றாண்டு பேருந்து முனையத்தில் கடந்த ஆண்டை விட 38 சதவீதம் கூடுதல் பேருந்துகள் இயக்கப்பட்டுள்ளதாக தமிழ்நாடு அரசு தெரிவித்துள்ளது. கடந்த 2025-ஆம் ஆண்டு விநாயகர் சதுர்த்தியின் போது 3,313 பேருந்துகள் இயக்கப்பட்ட நிலையில், இந்த ஆண்டு இரண்டு நாட்களில் 4,629 பேருந்துகள் இயக்கப்பட்டுள்ளன. இதன் மூலம் கூடுதலாக 1,266 பேருந்து சேவைகள் வழங்கப்பட்டுள்ளன.
மாநில அரசுப் போக்குவரத்துக் கழகங்களில், திருநெல்வேலி கோட்டம் அதிகபட்சமாக 113 சதவீத வளர்ச்சியைப் பதிவு செய்துள்ளது. பண்டிகை கால பயணிகள் நெரிசலைக் கருத்தில் கொண்டு, விழுப்புரம், கும்பகோணம், சேலம், மதுரை, கோவை மற்றும் அரசு விரைவுப் போக்குவரத்துக் கழகம் உள்ளிட்ட பிற கோட்டங்களிலும் பேருந்து சேவைகள் கணிசமாக அதிகரிக்கப்பட்டன.
0விருப்பங்கள்
0விருப்பமின்மைகள்