வேட்பாளர்களை அறிவித்தது நாம் தமிழர் கட்சி

அக்டோபர் 6, 2026 அன்று நடைபெறவுள்ள தமிழ்நாடு மற்றும் புதுச்சேரி சட்டமன்ற இடைத்தேர்தல்களில் போட்டியிடும் வேட்பாளர்களை நாம் தமிழர் கட்சி அறிவித்துள்ளது. மொத்தம் மூன்று தொகுதிகளில் அக்கட்சி போட்டியிடுகிறது.

மதுராந்தகம் தொகுதியில் கோ. ஜனகிராமனும், தாராபுரம் தொகுதியில் எம். கார்த்திகாவும் போட்டியிடுவார்கள் என அறிவிக்கப்பட்டுள்ளது. புதுச்சேரியின் தட்டாஞ்சாவடி தொகுதியில் எஸ். கார்த்திக் குமாரி வேட்பாளராக நிறுத்தப்பட்டுள்ளார். இந்த இடைத்தேர்தல்களில் வேட்பாளர்களின் வெற்றிக்காக கட்சியின் அனைத்து நிர்வாகிகள் மற்றும் தொண்டர்கள் முழு ஒத்துழைப்பு வழங்க வேண்டும் என நாம் தமிழர் கட்சியின் தலைமை ஒருங்கிணைப்பாளர் சீமான் கேட்டுக்கொண்டுள்ளார்.