இந்தியாவின் சரக்கு வர்த்தகப் பற்றாக்குறை ஆகஸ்ட் மாதத்தில் 26. 9 பில்லியன் அமெரிக்க டாலராகக் குறைந்துள்ளது. முந்தைய மாதத்துடன் ஒப்பிடுகையில் இது 5.
1 பில்லியன் டாலர் சரிவாகும். இருப்பினும், ஏற்றுமதி மற்றும் இறக்குமதி ஆகிய இரண்டுமே வலுவாக இருப்பதால், வர்த்தகப் பற்றாக்குறை தற்போதைய அளவிலேயே நீடிக்க வாய்ப்புள்ளதாக நுவாமா ரிசர்ச் (Nuvama Research) தனது சமீபத்திய அறிக்கையில் தெரிவித்துள்ளது. கச்சா எண்ணெய் விலை நிலவரமே வர்த்தகப் பற்றாக்குறையைத் தீர்மானிக்கும் முக்கிய காரணியாக இருக்கும் என்றும் அந்த அறிக்கை சுட்டிக்காட்டியுள்ளது.
இது குறித்து நுவாமா நிறுவனம் வெளியிட்டுள்ள அறிக்கையில், “வர்த்தகப் பற்றாக்குறை குறைந்திருந்தாலும், கச்சா எண்ணெய் விலையைப் பொறுத்தே அது இனிவரும் காலங்களில் நிலைபெறும்” என்று குறிப்பிடப்பட்டுள்ளது. மேலும், அந்நியச் செலாவணி வங்கி கணக்கு (FCNR) மூலம் வரும் வலுவான முதலீடுகள், இந்திய ரூபாயின் மதிப்பில் ஏற்படக்கூடிய உடனடி அழுத்தத்தைக் குறைக்கும் என்றும் அந்த அறிக்கை நம்பிக்கை தெரிவித்துள்ளது.
ஆகஸ்ட் மாதத்தில் கச்சா எண்ணெய் வர்த்தகப் பற்றாக்குறை 1. 5 பில்லியன் டாலர் குறைந்து 9. 9 பில்லியன் டாலராக உள்ளது.
அதேபோல், தங்கம் மற்றும் விலைமதிப்பற்ற உலோகங்களின் இறக்குமதி குறைந்ததால், அந்தத் துறையிலான பற்றாக்குறை 1. 3 பில்லியன் டாலர் சரிந்துள்ளது. கச்சா எண்ணெய் மற்றும் தங்கம் தவிர்த்த இதர வர்த்தகப் பற்றாக்குறையும் 2.
3 பில்லியன் டாலர் குறைந்து 15 பில்லியன் டாலராக உள்ளது. இருப்பினும், இது இன்னும் உச்ச அளவிலேயே நீடிப்பதாக அறிக்கை எச்சரிக்கிறது. ரசாயனம், விவசாயம், மின்னணுவியல் மற்றும் பொறியியல் பொருட்கள் எனப் பல்வேறு துறைகளில் வர்த்தகச் சமநிலை மேம்பட்டுள்ளது.
ஆகஸ்ட் மாதத்தில் சரக்கு ஏற்றுமதி ஆண்டு அடிப்படையில் 26. 1 சதவீதமாக உயர்ந்துள்ளது; இது ஜூலை மாதத்தில் 19. 6 சதவீதமாக இருந்தது.
குறிப்பாக, மின்னணுப் பொருட்கள் ஏற்றுமதி 27 சதவீதத்திலிருந்து 51 சதவீதமாக அதிகரித்துள்ளது. இருப்பினும், சிப் (chip) விலையேற்றம் காரணமாகவே மின்னணுப் பொருட்கள் ஏற்றுமதி அதிகரித்திருக்கலாம் என்றும், இது விலை சார்ந்த உயர்வு என்றும் அறிக்கை குறிப்பிடுகிறது. மின்னணுப் பொருட்களைத் தவிர்த்துப் பார்த்தால், எண்ணெய் அல்லாத ஏற்றுமதி வளர்ச்சி 12 சதவீதமாக நிலையாக உள்ளது.
இறக்குமதியைப் பொறுத்தவரை, ஜூலை மாதத்தில் 17. 5 சதவீதமாக இருந்த சரக்கு இறக்குமதி வளர்ச்சி, ஆகஸ்ட் மாதத்தில் 14 சதவீதமாகக் குறைந்துள்ளது. அதேசமயம், மின்னணுவியல், பொறியியல் பொருட்கள் மற்றும் தாதுக்கள் ஆகியவற்றின் இறக்குமதி தேவை தொடர்ந்து வலுவாகவே உள்ளது.
எதிர்காலத்தில், இறக்குமதி தேவை மற்றும் எண்ணெய் அல்லாத ஏற்றுமதியின் செயல்பாடு ஆகியவை வர்த்தகச் சமநிலையைத் தீர்மானிப்பதில் முக்கியப் பங்கு வகிக்கும் என்று நுவாமா ரிசர்ச் தெரிவித்துள்ளது.
