பில்லூர் அணை: 4 மதகுகள் திறப்பு; கரையோர மக்களுக்கு வெள்ள அபாய எச்சரிக்கை

மேட்டுப்பாளையம் பில்லூர் அணைக்கு நீர்வரத்து வினாடிக்கு 8,000 கனஅடியாக அதிகரித்துள்ளதால், அணையின் நீர்மட்டம் 97 அடியை எட்டியுள்ளது. அணையின் பாதுகாப்பை உறுதி செய்யும் நோக்கில், 4 மதகுகள் திறக்கப்பட்டு உபரிநீர் வெளியேற்றப்பட்டு வருகிறது. அணையிலிருந்து வினாடிக்கு 8,000 கனஅடி நீர் பவானி ஆற்றில் திறந்துவிடப்பட்டுள்ளதால், ஆற்றில் வெள்ளப்பெருக்கு ஏற்பட்டுள்ளது. இதனால், பவானி ஆற்றின் கரையோரப் பகுதிகளில் வசிக்கும் மக்கள் பாதுகாப்பாக இருக்குமாறு வெள்ள அபாய எச்சரிக்கை விடுக்கப்பட்டுள்ளது.