திருப்பதிக்குச் செல்லும் தனியார் வாகனங்களுக்குக் கட்டுப்பாடு: தேவஸ்தானம் அறிவிப்பு

திருப்பதி ஏழுமலையான் கோயிலுக்குச் செல்லும் தனியார் வாகனங்களின் எண்ணிக்கையைத் தினசரி 10,000 முதல் 15,000 வரை எனத் திருப்பதி திருமலை தேவஸ்தானம் (TTD) கட்டுப்படுத்தியுள்ளது. இந்த உச்சவரம்பை எட்டியதும், கூடுதல் தனியார் வாகனங்கள் மலைப்பாதையில் அனுமதிக்கப்படமாட்டாது எனத் தெரிவிக்கப்பட்டுள்ளது.

இந்தக் கட்டுப்பாட்டை மீறும் வாகனங்கள் அலிபிரி சோதனைச் சாவடியிலேயே தடுத்து நிறுத்தப்படும். மலைப்பாதையில் போக்குவரத்து நெரிசலைக் குறைக்கவும், கோயிலுக்கு வரும் பக்தர்களின் பாதுகாப்பை உறுதி செய்யவும் இந்த நடவடிக்கை எடுக்கப்பட்டுள்ளதாகத் தேவஸ்தான நிர்வாகம் அறிவித்துள்ளது.