நகோயாவில் நடைபெற்று வரும் 2026 ஆசிய விளையாட்டுப் போட்டிகளில், இந்திய தடகள வீரர் குல்வீர் சிங் ஆண்களுக்கான 10,000 மீட்டர் ஓட்டப் பந்தயத்தில் வெள்ளிப் பதக்கத்தைக் கைப்பற்றி அசத்தியுள்ளார். வெள்ளிக்கிழமை நடைபெற்ற இந்தப் போட்டியில், குல்வீர் சிங் 28:29. 38 நிமிடங்களில் இலக்கை எட்டி இரண்டாம் இடத்தைப் பிடித்தார்.
கடந்த 2023-ம் ஆண்டு ஹாங்சூவில் நடைபெற்ற ஆசிய விளையாட்டுப் போட்டிகளில் இதே பிரிவில் வெண்கலப் பதக்கம் வென்றிருந்த குல்வீர், தற்போது தனது திறமையை மேம்படுத்தி வெள்ளிப் பதக்கத்தை வென்றுள்ளார். இந்தப் போட்டியில் பஹ்ரைன் வீரர் பிர்ஹானு பாலேவ் 28:27. 51 நிமிடங்களில் இலக்கை எட்டி தங்கப் பதக்கத்தைக் கைப்பற்றினார்.
குல்வீர் சிங், தங்கப் பதக்கம் வென்ற பாலேவை விட 1. 87 விநாடிகள் மட்டுமே பின்தங்கியிருந்தார். கிளாஸ்கோவில் நடைபெற்ற காமன்வெல்த் போட்டிகளிலும் குல்வீர் சிங் வெள்ளிப் பதக்கம் வென்றிருந்தது குறிப்பிடத்தக்கது.
இந்திய தடகள அணியின் சிறப்பான செயல்பாடுகள் தொடர்ந்து வரும் நிலையில், இந்த வெற்றி முக்கியத்துவம் பெறுகிறது. முன்னதாக, வியாழக்கிழமை நடைபெற்ற பெண்களுக்கான 10,000 மீட்டர் ஓட்டப் பந்தயத்தில் சீமா குமாரி வெண்கலப் பதக்கம் வென்றார். இதன் மூலம், கடந்த 16 ஆண்டுகளாக இந்தப் பிரிவில் பதக்கம் வெல்ல முடியாமல் இருந்த இந்திய அணியின் காத்திருப்பு முடிவுக்கு வந்தது.
அவர் 32:50. 05 நிமிடங்களில் பந்தய தூரத்தைக் கடந்து மூன்றாவது இடத்தைப் பிடித்தார். அதேபோல், வியாழக்கிழமை நடைபெற்ற கலப்பு 4x400 மீட்டர் தொடர் ஓட்டப் பந்தயத்தில் விஷால் டி.கே. , பூவம்மா, மனு மற்றும் வித்யா ராமராஜ் ஆகியோர் அடங்கிய இந்திய அணி 3:14. 46 நிமிடங்களில் இலக்கை எட்டி வெள்ளிப் பதக்கத்தை வென்றது.
இந்தப் பிரிவில் பஹ்ரைன் அணி 3:12. 87 நிமிடங்களில் புதிய ஆசிய விளையாட்டுப் போட்டி சாதனையைப் படைத்து தங்கப் பதக்கத்தைக் கைப்பற்றியது. வியட்நாம் அணி 3:14.
54 நிமிடங்களில் வெண்கலப் பதக்கத்தைப் பெற்றது.
