புனே மாவட்டம் வாட்கியில் செயல்பட்டு வந்த சிப்லா பார்மா அண்ட் லைஃப் சயின்சஸ் நிறுவனத்தின் மருந்து விற்பனை உரிமத்தை மகாராஷ்டிரா உணவு மற்றும் மருந்து நிர்வாகம் (FDA) ரத்து செய்துள்ளது.
'ரியாக்டின் பிளஸ்' மாத்திரைகளை சேமித்து வைத்தல், ஆவணங்களைப் பராமரித்தல் மற்றும் விநியோகம் செய்வதில் முறைகேடுகள் கண்டறியப்பட்டதை அடுத்து இந்த நடவடிக்கை எடுக்கப்பட்டுள்ளது.
தவறான முத்திரையிடப்பட்ட மாத்திரைகளைத் திரும்பப் பெறுமாறு நிறுவனத்திற்கு வழங்கப்பட்ட உத்தரவுகளை முறையாகப் பின்பற்றாததால், சுமார் 11.91 லட்சம் ரூபாய் மதிப்பிலான மருந்துகள் பறிமுதல் செய்யப்பட்டுள்ளன.
உரிமத்தை ரத்து செய்வதற்கு முன்னதாக, சம்பந்தப்பட்ட நிறுவனத்திற்கு விளக்கம் கேட்டு நோட்டீஸ் அனுப்பப்பட்டிருந்தது. இந்த உத்தரவு ஆகஸ்ட் 27, 2026 முதல் அமலுக்கு வந்துள்ளது.
மருந்துகளின் தரம் மற்றும் பாதுகாப்பில் எவ்வித சமரசமும் இல்லை எனத் தெரிவித்துள்ள மாநில மருந்து கட்டுப்பாட்டு அதிகாரிகள், குறிப்பாக 'ஷெட்யூல் எச்' வகை மருந்துகளை விநியோகம் செய்வதில் விதிமுறைகளை முறையாகப் பின்பற்றுவது கட்டாயம் என வலியுறுத்தியுள்ளனர்.
