நேபாளத்தின் ரசுவா மாவட்டத்தில் ஏற்பட்ட கடும் வெள்ளத்தில் சிக்கியிருந்த 6 வயது சிறுமி ஒருவர், மூன்று நாட்களுக்குப் பிறகு உயிருடன் மீட்கப்பட்டுள்ளார்.
பூட்டே கோஷி நதி பெருக்கெடுத்ததால் பாதிக்கப்பட்ட திமுரே கிராமத்தில், சேறும் சகதியுமாக இருந்த இடிபாடுகளுக்கு அடியில் சிக்கியிருந்த அந்தச் சிறுமியை மீட்புக் குழுவினர் போராடி மீட்டனர். இந்த மீட்பு நடவடிக்கை, பேரிடர் மீட்புப் பணிகளில் ஈடுபட்டுள்ள குழுவினருக்குப் பெரும் நம்பிக்கையை அளித்துள்ளது.
சனிக்கிழமை மதியம் வானிலை சீரடைந்ததைத் தொடர்ந்து, ஹெலிகாப்டர் மூலம் அந்தச் சிறுமி காத்மாண்டுவில் உள்ள மருத்துவமனைக்குக் கொண்டு செல்லப்பட்டார். அங்கு அவருக்குத் தீவிர சிகிச்சை அளிக்கப்பட்டு வருகிறது.
இதற்கிடையில், மீட்கப்பட்ட சிறுமியின் பெயர் மனிஷா மாகர் எனத் தெரியவந்துள்ளது. அவரது குடும்பத்தினர் அல்லது உறவினர்கள் குறித்த தகவல் தெரிந்தவர்கள் உடனடியாகத் தொடர்புடைய அதிகாரிகளைத் தொடர்பு கொள்ளுமாறு கேட்டுக்கொள்ளப்பட்டுள்ளனர்.
