நேபாளத்தில் ஏற்பட்ட கடும் வெள்ளப் பெருக்கினால் பாதிக்கப்பட்ட பகுதிகளில், பத்து நாட்களுக்குப் பிறகு சீனாவைச் சேர்ந்த ஆண் மற்றும் பெண் என இருவர் சனிக்கிழமை உயிருடன் மீட்கப்பட்டுள்ளனர்.
திரிசூலி-3ஏ நீர்மின் திட்டத்தின் சுரங்கப்பாதையிலிருந்து அந்த நபர் மீட்கப்பட்டார். நுவாகோட் பகுதியில் சேதமடைந்த வீடு ஒன்றிலிருந்து அந்தப் பெண் கண்டெடுக்கப்பட்டார். இருவரும் தற்போது மருத்துவக் கண்காணிப்பில் சிகிச்சை பெற்று வருகின்றனர். திரிசூலி நீர்மின் திட்டப் பகுதியில் நேபாள ராணுவத்தினரும், தென் கொரிய பேரிடர் மீட்புக் குழுவினரும் இணைந்து மீட்புப் பணிகளை மேற்கொண்டனர்.
ஆகஸ்ட் 26 அன்று பனிப்பாறை சரிவால் ஏற்பட்டதாகக் கருதப்படும் இந்த வெள்ளத்தில் சிக்கி இதுவரை 1,300 பேர் உயிரிழந்துள்ளதாக உறுதிப்படுத்தப்பட்டுள்ளது. சுமார் 5,000 பேர் இன்னும் மாயமாகியுள்ளனர். குறிப்பாக, 12 நீர்மின் திட்டப் பகுதிகளில் சுமார் 900 தொழிலாளர்கள் மாயமாகியுள்ள நிலையில், அவர்களில் 500 பேர் சுரங்கப்பாதைகளில் சிக்கியிருக்கலாம் என அஞ்சப்படுகிறது. இவர்களை மீட்கும் பணியில் இந்தியா, சீனா, தென் கொரியா மற்றும் அமெரிக்காவைச் சேர்ந்த சர்வதேச மீட்புக் குழுவினர் ஈடுபட்டு வருகின்றனர்.
%2Fpolimer-news%2Fmedia%2Fmedia_files%2F2026%2F10%2F12%2F10-2026-10-12-13-50-12.jpg&w=3840&q=75)
