தமிழகத்தில் H1N1 பன்றிக்காய்ச்சல் தொற்று வேகமாகப் பரவி வருவதாகச் சுகாதாரத்துறை எச்சரிக்கை விடுத்துள்ளது. கடந்த ஜனவரி மாதம் 19 ஆக இருந்த பாதிப்பு எண்ணிக்கை தற்போது 339 ஆக உயர்ந்துள்ளது, இதனால் அரசு மற்றும் தனியார் மருத்துவமனைகளில் நோயாளிகளின் வருகை அதிகரித்துள்ளது.
காய்ச்சல், இருமல், தொண்டைவலி, தலைவலி மற்றும் உடல் சோர்வு ஆகியவை இந்த நோயின் முதன்மை அறிகுறிகளாகக் கண்டறியப்பட்டுள்ளன. சிலருக்கு மூட்டுவலி, தசைவலி, வாந்தி மற்றும் வயிற்றுப்போக்கு போன்ற பாதிப்புகளும் ஏற்படக்கூடும் எனப் பொது சுகாதாரத்துறை தெரிவித்துள்ளது.
அறிகுறிகள் தென்பட்டால் பொதுமக்கள் அலட்சியமாக இருக்க வேண்டாம் என அறிவுறுத்தப்பட்டுள்ளது. சுயமாக மருந்துகளை உட்கொள்வதைத் தவிர்த்து, உடனடியாக அருகில் உள்ள மருத்துவ மையங்களை அணுகி உரிய பரிசோதனை மற்றும் சிகிச்சை பெற வேண்டும் எனச் சுகாதாரத்துறை வலியுறுத்தியுள்ளது.
